Banku-plangintza eta -erregulazioko espezialista (Recovery & Resolution)
Recovery & Resolution arloko eskakizun erregulatzaileei erantzutea izango da zure egitekoa, eta dokumentuak egiten eta testatze-esparruak diseinatzen eta gauzatzen parte hartuko duzu.
ZUREKIN ELKARLANEAN EGINGO DITUGUNAK HAUEXEK…
- Ebazgarritasunari lotutako dokumentazio erregulatzailea prestatzea: gobernantza, komunikazioa, jarraitutasun operatiboa, likidezia, bail-in, banagarritasuna, kontingentzia-planak eta autoebaluazioa.
- Espainiako Bankuarekin, BBOFrekin eta beste erakunde ikuskatzaile batzuekin elkarrizketa zuzena izatea, workshopetan parte hartuz eta errekerimenduak ebatziz.
- Ebazpen-eremuan testatze-ariketak (MATP) diseinatu, koordinatu eta gauzatzea.
- Europako Banku Agintaritzaren (EBA) eta Ebazpen Batzorde Bakarraren (EBB) jarraibideak aztertzea eta ezartzea.
- Berreskurapen Plana egitea eta koordinatzea (alderdi kuantitatiboa eta kualitatiboa), arriskuen funtzioarekin lankidetzan.
- Berreskurapen Plana testatzeko ariketak diseinatzea eta gauzatzea: estres-egoerak, berreskurapen-aukerak eta gobernu-esparrua.
- Emaitzen txostenak egitea eta ikuskatzaileen gomendioei erantzutea.
- Auditoretza-, rating-agentzien eta beste erakunde batzuen errekerimenduetan parte hartzea.
- Analisi ekonomiko-finantzarioetan eta entitatearen funtsezko adierazleen jarraipenean laguntzea (errentagarritasuna, aurrekontu-desbideratzeak, aginte-taula, etab.).
ZURE ALDETIK JARRI BEHARREKOA
- Gradua/Lizentziatura ADEn, Ekonomian edo antzekoetan (finantza-espezializazioa baloratuko da).
- Gutxienez 3 urteko esperientzia banku-ingurune erregulatzaileetan (Recovery & Resolution, Arriskuak, etab.), ahal dela auditoretza, aholkularitza edo proiektuen koordinazioan.
- SAS, FOCUS edo APE (Arrisku Apetituaren Esparrua) bezalako tresnak edo esparruak ezagutzea.
- Analisi- eta erabaki-gaitasuna, talde-lana eta elkarrizketa-gaitasuna ingurune zorrotzetan
- Euskara- eta ingeles-maila altua
¿Zer eskaintzen dugu?
Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:
• Modu pertsonalizatuan lagunduko dizugu zure praktikak burutzerakoan.
• Talde-lana, elkarrekiko laguntza eta parte-hartzea sustatzen ditugu.
• Proiektu errealetan murgiltzeko aukera eskaintzen dizugu.
• Behar duzun malgutasuna izango duzu, zure egutegi akademikoaren eta bizitza pertsonalaren artean oreka on bat izateko.
Azken batean, lan-ingurune inklusiboak eta errespetuzkoak eskaintzen ditugu eta gizonen eta emakumeen arteko aukera-berdintasuna bermatzen dugu.