Finantza Fiskalitateko Aditua

MISIOA

Indarrean dagoen araudiarekin bat datorren zerga-aholkularitza sendoa eta zorrotza bermatzea, erakundearen erabakiak behar bezala hartzen lagunduz eta zerga-arriskuak minimizatuz. Zerga-abokatua barne-erreferentea da zerga-gaietan, eta, aldi berean, Zerga Administrazioarekin harreman egoki eta gardena bermatzen du.

ZURE EGUNEROKOA

• Erakundeko arlo ezberdinei (finantzak, eragiketak, arriskuak, compliance/arau-betetzea...) etengabeko zerga-aholkularitza ematea.
• Finantza-sektorean aplikagarria den zerga-araudia aztertzea eta interpretatzea.
• Zerga-plangintzan eta finantza-egitura zein produktuen diseinuan parte hartzea, ikuspegi tributariotik. Araudiaren zaintza-sistematik eratorritako zerga-alerten koordinazioa.
• Zerga-kontsultak, txostenak eta irizpenak prestatzea eta berrikustea.
• Zerga Administrazioarekin harremanak izatea eta ikuskapen-, egiaztapen- edo berrikuspen-prozeduretan laguntzea.
• Zerga-arloko araudi- eta jurisprudentzia-berritasunen jarraipena egitea.
• Kanpoko aholkulariekin koordinatzea, beharrezkoa denean.

BETEKIZUNAK

• Zuzenbideko Gradua, Zuzenbidea eta Ekonomiako gradu bikoitza, edo EAZ/Ekonomiako lizentzia eta Fiskalitateko Masterra.
• Zerga Aholkularitzako edo Tributazioko Masterra izatea baloratuko da.
• Gutxienez 3-5 urteko esperientzia fiskalitatearen arloan, ahal dela finantza-erakundeetan, espezializatutako bulegoetan edo Big Four enpresetan.
• Ezagutza sendoak zuzeneko eta zeharkako zergen arloan, finantza-fiskalitatean eta Espainiako zerga-araudian.
• Analisi-gaitasuna, zorroztasun teknikoa eta xehetasunekiko orientazioa.
• Komunikazio-trebetasun onak eta taldean lan egiteko gaitasuna.
• Ingeles juridiko-fiskalaren maila ertain-altua baloratuko da.
• Euskararen B2 maila.

ZER ESKAINTZEN DUGU? 

Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako: 

• Talde-lana, elkarrekiko laguntza eta parte-hartzea sustatzen ditugu. 

• Prestakuntza pertsonalizatzen dugu, pertsonen trebakuntza beren bizitza profesional osoan garatzeko. 

• Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu. 

• Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu. 

• Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak... 

• Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere. 

Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.