Inbertsio-kudeatzaile
Gure Diruzaintza eta Merkatuetako Taldeak inbertsio-kudeatzaile bat bilatzen du.
Helburua da inbertsio-zorroen kudeaketan eta balantzeen optimizazioan aktiboki laguntzea, bankuaren estrategia orokorrari jarraituz eta errentagarritasuna arriskura egokituta maximizatzea, dibertsifikazio- eta iraunkortasun-irizpideekin.
ZURE EGUNEROKO LANA
- Finantza-aktiboen zorroak aztertu eta kudeatzea, batez ere Errenta Finkoa eta Dibisak.
- Inbertsio-proposamenak formulatu eta aurkeztea, bai taktikoak (trading) bai estrategikoak (epe luzekoak).
- Inbertsio Batzordeetan parte hartzea, txostenak prestatuz eta merkatuaren ikuspegia partekatuz.
- Zorroen jarraipena eta kontrola egitea: arriskuak, errentagarritasunak eta muga-betetzeak monitorizatzea.
- Erakundearen balantze-kudeaketan laguntzea:
- Epemugen egitura, interes-tasen sentsibilitatea, likidezia eta abar aztertzea.
- ALM estrategiak eta estaldura-politikak definitzen eta gauzatzen laguntzea.
- Inbertsio-erabakien eragina balantzean eta arauzko adierazleetan ebaluatzea.
ZURE ALDETIK JARRI BEHARREKOA
- Gradua edo Lizentziatura enpresa-adarreko titulazioetan (ADE, Ekonomia, Finantzak, etab.).
- Finantzetako Masterra izatea baloratuko da eta Finantza-arloko lanbide-ziurtagiriak, hala nola CAIA, CFA, etab.
- 2-3 urteko esperientzia errenta finkoaren produktuak, dibisa-merkatuak eta zorroen kudeaketa arloetan.
- Euskara- eta ingeles-maila altua
- Finantza-merkatuei aplikatutako adimen artifizialaren eta eredu kuantitatiboak garatzeko ezagutza baloratuko da
ZER ESKAINTZEN DUGU?
Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:
- Talde-lana, elkarrekiko laguntza eta parte-hartzea sustatzen ditugu.
- Prestakuntza pertsonalizatzen dugu, pertsonen trebakuntza beren bizitza profesional osoan garatzeko.
- Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu.
- Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu.
- Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak...
- Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere.
Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.