Nazioarteko Ordainketetarako Irtenbideetan espezialista

Zure egitekoa Laboral Kutxaren nazioarteko ordainketa-zerbitzuen bilakaera eta eraldaketa bultzatzea izango da, prozesuen automatizazioa, digitalizazioa eta etengabeko hobekuntza sustatuz. Irtenbide berriak definitzen eta ezartzen parte hartuko duzu, araudia betetzen dela ziurtatuz eta bezeroari begira lan eraginkorragoa, seguruagoa eta orientatuagoa eskaintzen lagunduz.

ZUREKIN KONTATUKO DUGU…

-Nazioarteko ordainketa-irtenbide berrien integrazioa bultzatzea, ordainketa-ekosistema globaleko plataformak, eskemak eta zerbitzuak ezartzeko eta garatzeko proiektuetan parte hartuz.

-Irtenbide funtzionalak definitzea, negozio-beharrak eta erregulazio-eskakizunak zehaztapen argi bihurtuz eta ekipo teknologikoekin koordinatuz, garapen sendo eta eraginkorrak bermatzeko.

-Datuak aztertzea eta prozesuak hobetzea, adierazleen, transakzioen eta reporting-tresnen jarraipenetik abiatuta optimizazio-aukerak identifikatuz.

-Etengabeko hobekuntzako ekimenen buru izatea, prozesuen automatizazioa, digitalizazioa eta sinplifikazioa sustatuz, bezero eta taldeen esperientzia hobetzeko.

-Konplexutasun handiko gertakariak konpontzea, zergatiak aztertuz eta jardunaren egonkortasuna eta eraginkortasuna ziurtatuko duten konponbideak proposatuz.

-Teknologia, Diruzaintza, Negozioa eta beste talde espezializatu batzuekin zeharka elkarlanean aritzea, ekimen estrategikoetan solaskide gisa jardunez.

-Araudia betetzen dela bermatzea, nazioarteko ordainketa-zerbitzuei, kapital-zuriketaren prebentzioari eta kontrol- eta segurtasun-neurriei buruzko araudia behar bezala aplikatzen dela zainduz.

-Nazioarteko zerbitzuak eraldatzen laguntzea, gaitasun berriak eraikiz eta ordainketa globalak kudeatzeko modua etengabe hobetuz.

ZURE EKARPENA BEHAR DUGU...

-Enpresa-adarreko edo erlazionatutako ingeniaritzetako unibertsitate-gradua.

-Gutxienez 3 urteko esperientzia izatea nazioarteko ordainketetan, zerbitzuen kudeaketan, integrazioetan edo nazioarteko finantza-eremuarekin lotutako proiektuetan.

-Esperientzia izatea proiektu konplexuen kudeaketan, ezarpenetan, migrazioetan edo zerbitzu berrien merkaturatzean.

-Analisi-gaitasuna prozesu konplexuak ulertzeko, hobetzeko aukerak identifikatzeko eta datuetan oinarritutako erabakiak hartzeko.

-Komunikazio- eta lankidetza-trebetasunak, jakintza-alor anitzeko taldeekin eta barneko eta kanpoko solaskideekin lan egiteko.

-Autonomia, ekimena eta emaitzetarako orientazioa, ekimenak hasieratik amaierara zuzentzeko.

-Euskara eta ingeles maila ona.

ZER ESKAINTZEN DUGU? 

Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako: 

• Talde-lana, elkarrekiko laguntza eta parte-hartzea sustatzen ditugu. 

• Prestakuntza pertsonalizatzen dugu, pertsonen trebakuntza beren bizitza profesional osoan garatzeko. 

• Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu. 

• Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu. 

• Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak... 

• Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere. 

Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.