Segurtasun-Arkitekturako Analista
Zibersegurtasuneko gure taldean pertsona bat sartu nahi dugu, Segurtasun-Arkitekturako Analista gisa. Zure eginkizuna soluzio teknologikoen inplementazioa diseinatzea, eraikitzea eta gainbegiratzea izango da, segurtasunaren eremutik. Zure zeregina funtsezkoa izango da entitatearen IKT azpiegitura mehatxu zibernetikoetatik babesteko eta informazioaren segurtasunari buruzko araudiak betetzen direla bermatzeko. Izena eman nahi duzu?
ZURE EGUNEROKO LANA
- Segurtasuna zaintzea mehatxu-testuinguruaren araberako diseinutik, beste sistema eta aplikazio batzuekiko integrazioari eta errendimenduari dagokienez.
- Era askotako proiektuetan parte hartzea, kanpo-hornitzaileak eta barne-ekipoak koordinatuz eta soluzioen ezagutza tekniko sakona zainduz.
- Segurtasun-arkitektura korporatiboak definitzea, eta sareen, hodeiaren, sistemen eta aplikazioen segurtasun-baldintzak identifikatzea eta ezartzea.
- Beharrak hautematea, produktuak eta tresnak hautatzea, horien ezarpena kudeatzea eta ondorengo lanetarako transferentzia egokia ziurtatzea.
- Berrikuntza-aukerak aztertzea, ekimen bideragarriak aurkitzeko. Segurtasun-heldutasuna hobetzeko joera eta tresna berriak ezagutzea.
ZURE ALDETIK JARRI BEHARREKOA
- Ingeniaritzako Unibertsitate Gradua edo STEM titulazioak.
- Oso modu positiboan baloratuko dugu segurtasun-produktuei buruzko prestakuntza eta ziurtagiriren bat izatea (CISSP, CSSLP, CCSP, CIAM, AZ-500, etab.).
- 5 urteko esperientzia segurtasun-arkitekturan, S-SDLCn, identitateen eta sarbideen kudeaketan eta Segurtasun-tresnen ezarpen/integrazioan.
- Segurtasun-arriskuak identifikatu eta ebaluatzeko eta arintze-neurriak proposatzeko gaitasuna.
- Segurtasun-ingeniaritzako, informatika- eta sare-segurtasuneko, garapen seguruko, autentifikazio- eta segurtasun-protokoloetako eta kriptografiako ezagutza teknikoak.
- Euskara eta ingeles maila altua.
ZER ESKAINTZEN DUGU?
Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:
- Talde-lana, elkarrekiko laguntza eta parte-hartzea sustatzen ditugu.
- Prestakuntza pertsonalizatzen dugu, pertsonen trebakuntza beren bizitza profesional osoan garatzeko.
- Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu.
- Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu.
- Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak...
- Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere.
Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.