Senior Aditua Business Intelligence (BI) arloan
Zure misioa, erabaki estrategikoak hartzeko, informazio baliozkoaren datuak eraldatzea izango da, negozioko hainbat esparrurekin modu hertsian lan eginez.
ZURE EGUNEROKO LANA
Business Intelligence (BI) irtenbideak garatu eta mantentzea, SOL eta bestelako tresnak erabiliz.
Departamentu ezberdinekin lankidetzan aritzea, beren premiak ulertu eta horiek betekizun tekniko bilakatzeko.
Aginte-koadro interaktiboak eta datuen interpretazioa errazteko ikusizko txosten laburrak diseinatu eta sortzea.
Datu-bolumen handia aztertzea, joerak eta hobetzeko abaguneak identifikatzeko.
Datuak aztertu eta ikusteko prozesuetan hobekuntzak proposatu eta gauzatzea.
Txostenetan aurkeztutako datuen kalitatea eta zehaztasuna ziurtatzea.
ZURE ALDETIK JARRI BEHARREKOA
Prestakuntza Ingeniaritzan, Matematikan, Estatistikan, Informatikan edo antzeko esparruetan. Datuen Zientzian Masterra edo prestakuntza espezializatua izatea baloratuko da.
Datuak manipulatu eta aztertzeko SOL tresna aurreratuen erabileran esperientzia frogagarria.
Negozioko hainbat esparrurekin harremanetan egon eta horien premiak ulertzeko trebetasuna izatea.
Esperientzia aginte-koadroen eta ikusizko txosten laburren sorreran MicroStrategy tresna erabiliz. (Power BI, Tableau edo antzekoen erabilera baloratuko da.)
Jarrera aktiboaz eta modu autonomoan lan egiteko gaitasuna, aldi berean proiektu ugari kudeatuz.
Komunikaziorako eta aurkezpenerako trebetasun nabariak.
Euskara eta ingeles maila altua
Gutxienez astean 3 egunetan Arrasaten lan egiteko prest egotea.
Euskara maila altua
ZER ESKAINTZEN DUGU?
Lan egiteko beste modu bat, profesionalki eta pertsonalki haziz, zure potentzial guztia modu jasangarri eta inklusiboan martxan jar dezazun. Horretarako:
- Talde-lana, elkarrekiko laguntza eta parte-hartzea sustatzen ditugu.
- Prestakuntza pertsonalizatzen dugu, pertsonen trebakuntza beren bizitza profesional osoan garatzeko.
- Bizitza profesionalaren eta pribatuaren artean oreka ona egon dadin behar duzun malgutasuna eskaintzen dugu.
- Barne-talentuaren aldeko apustua egiten dugu, eta, horregatik, erronka berriei aurre egiteko eta rol berriak hartzeko aukera ugari izango dituzu.
- Zainduz gure osasun-programaren bidez zainduko zaitugu. Programa horren bidez, honako hauetaz gozatu ahal izango duzu: ohitura osasungarriei eta ongizate emozionalari buruzko tailerrak, Fisioterapia digitaleko zerbitzua, oinez edo bizikletan lanera etortzeko pizgarriak...
- Lagun Aroren koadro medikorako sarbidea erraztuko dizugu zuretzat eta zure familiarentzat, baita banku- eta aseguru-baldintza berezietarako ere.
Azken batean, lan-ingurune inklusiboak eta errespetuzkoak eskaintzen ditugu, lan-dinamiketan eta karrera profesionaletan gizonen eta emakumeen arteko aukera-berdintasuna bermatzen dugu, berdintasunaren arloan erreferentzia izateko lan eginez.